اب
داخل السينما معاه 5 عيال
قاعدين يتنططوا و عاملين دوشه و ازعاج
بعد
ما قعد في مكانه هو و العيال و مراته قبل
ما الفيلم يبدأ في النور شاف راجل هلف كده
بص لقي مراته متنحه فيه بص لكرشه اللي
مدلدله علي ركبه قدامه بعدين قام باصص
للعيال و قلهم شايفين الراجل ده حمار كبير
و مغفل و يستحق ياخد علي قفاه ولو ضربتوه
و هزأتوه انا هديكم حاجه حلوه في البيت
العيال
متوصوش و طول ما الفيلم شغال اتسلوا علي
الراجل.. شويه
يدوله علي قفاه و يجرو.. شويه
يدلقوا عليه زباله و هو كل شويه عمال يشجع
في العيال.. شاطر
يا حماده.. تف
علي عمو يا حماده.. و
يبص علي مراته و هو بيزغرلها بعينه..
لحد ما الراجل
الهلف جاب اخره و لف لورا و زعق بصهوت
جهوري يا استاذ لم عيالك ميصحش كده
الراجل
بمنتهي الهدوء و الاستعباط قله العيال
دول مش تبعي ولا يمثلوني ولا ينتموا اليا
دول
شويه عيال غير مسؤوله عن افعالها عايزه
اللي يربيها
الراجل
يرد و يقوله انا سامعك و انت بتسخنهم عليا
بس
صاحبنا يكمل استهبال و يقوله
ما
قلتلك مش عيالي
شوف
دول عيال مين و متلقحوش بلاكم علينا
الراجل
بصله و عنيه بتطق شرار و قله طيب..
مفيش
دقيقتين الا و كان سامع صريخ العيال في
ضلمه السينما من مكان ما مش عارف يحدد
مصدره
بيدور
علي العيال لقاها اختفت
بيبص
لقي ظل الراجل الهلف و هو بيقعد مكانه
تاني و هو بينفض ايديه بعد ما تقريبا ادي
العيال علقه موت و طردهم بره القاعه
و
شويه و الفيلم خلص بص لقي العيال واقفين
بره القاعه و اثر الضرب باين عليهم
خاف
يواجه الراجل الهلف قام نده للراجل الغلبان
المشرف علي السينما و قعد يزعق فيه..
ازاي و ازاي العيال
تتضرب و تتطرد بره القاعه بالشكل ده؟ فين
الاخلاق؟ فين الزوق؟ فين الرحمه؟ فين
الحريات؟ في حقوق الانسان؟
وسط
ما بيزعق و بيشوح بايديه في وش المشرف
ايديه خبطت في حاجه ناشفه وراه..
بيبص لقي نفس
الراجل اللي ضرب العيال و مراته برضه
واقفه متنحه فيه
في ايه يا ستاذ؟ زعلان ليه؟ مش قلت مش عيالك؟
في ايه يا ستاذ؟ زعلان ليه؟ مش قلت مش عيالك؟
مش
قلت محتاجين ربايه؟
قام
اتدور لمراته رزعها قلم و قلها مش قلتلك
ميت الف مره قبل كده تبعتي العيال لأمك
لما نيجي نخرج.. يله
بينا نروح البيت.. مفيش
خروج تاني ليكم بعد كده يا اولاد الوسخه..
مشي
و هو بيجر عياله الابالسه وراه و مشرف
السينما و الراجل الهلف قاعدين يضحكوا
بصوت عالي..
و
مراته برضه عماله تبص وراها علي الراجل
الهلف...
No comments:
Post a Comment